Xota recoyida en 1998 en Candás (Carreño), por Fini Suárez (1958-1999).

Grabado por Muyeres en Pasamentu (2001). Disco 1, Pista 15.

Esta xota namás tien dos estrofes propies. Les otres garrábense davezu de la Danza del Cristo, recoyida en 1995 y grabada nel discu "Muyeres II", cola voz de Fini Suárez de cabezalera. Baillábase por tol conceyu a la salida de misa, el día de la fiesta'l pueblu.

Letra:
Al pasar por Cimavilla,
por Cimavilla cantando,
les moces de Cimavilla 
gasten muncho ringorrango.

Estribillu 1:
Que tu padre nun quier 
y tu madre nun da,
esa ilusión, morena,
¿de ónde saldrá?
¡qué de onde saldrá!
¡qué de onde saldrá!
Esa ilusión morena,
¿de ónde saldrá?

Non quieru zapatu baxo
que se me llena d'arena,
yo quiero amores d'arriba,
que los tengo na ribera.

(Estribillu 1)

Pola concha d'un centollu
tengo de beber morena,
toa la sidra d'Asturies
pa que me quite la pena.

Estribillu 2:
Trabayar nun trabayes,
vestir, vistes bien,
esa ilusión, morena,
¿de ónde te vien?
¡qué de ónde te bien!
¡qué de ónde te sal!
Trabayar nun trabayes,
y nun vistes mal.

Para bocartes, pravianos,
pa xardes los lluanquinos,
y para pescar bonito,
Dios me dé los candasinos.

(Estribillu 2).

Transcripción de David Fernández. Letra e información, Muyeres - Pasamentu (2001).