Versión de Celia Nieto y Julio Rodríguez, grabada como collaboración para la yá sumida Asociación Llar Folk en mayu de 2024.

Nel vídeu, ellos llamen a esta melodía Alborada de Casina, popularizada pol gaiteru de Cangas José Pico Vega “Casina” (1882-1964).

Unos años antes,Tuenda tamién grabó esta pieza nel so discu Tuenda 2 (2008), col nome d’Alborada’i Dionisio, mentando que ye del repertoriu del gaiteru, tamién cangués, Dionisio’i La Riela (1901-1980), recoyida nel añu 1952 por Constantin Brailoiu, Manuel García Matos y Marius Schneider, siendo la so fonte el Musée d’Ethnographie Carl-Vogt de Xinebra (Suiza).

Actualización:

Pepín de Muñalén esclárianos que’l nome nel discu de Tuenda foi un erru. Al poner les grabaciones de Xinebra a Milio’i Fotre, que fuera alumnu de Dionisio La Riela, reconoció a “Casina” na grabación. El nome correctu ye Alborada de Casina.

Trescripción de David Fernández.